وزيرللسيسي و6 محافظين كلهم عسكريون ماعدا واحد

الخميس، 8 سبتمبر، 2016

وزير للسيسي و6 محافظين كلهم عسكريون ماعدا واحد

السيسي يعين وزير و6 محافظين فى نظامه كلهم عسكريين ماعدا واحد فقط
وطبعا محدش هيتكلم عن العسكره
تفاصيل وسيرة المعينين
-اللواء أركان حرب محمد على الشيخ –وزير التموين بنظام السيسي
رئيس هيئة الإمداد والتموين بالجيش
-اللواء رضا محمد فرحات ، محافظا للإسكندرية،
-مديريه امن الاسكندريه والاسماعيليه ومباحث امن الدوله والامن الوطني وشرطة الكهرباء وعضو المجلس الاعلى للامن
- الدكتور عاطف عبد الحميد، وزير النقل الأسبق محافظا للقاهرة،
تخرج بالفنيه العسكريه وعمل بالقوات الجويه ورئيس مصر للطيران
-اللواء أحمد محمد حامد حسن محافظا للسويس،
مدير كلية الدفاع الجوي
 -اللواء عمرو عبد المنعم، محافظا للقليوبية،
ادارة الأسلحة والذخيرة و مُساعدًا لرئيس أركان حرب القوات المُسلحة و أمين عام مجلس الوزراء
 -اللواءعصام الدين بديوى محافظا للمنيا.
مدير إدارة التعاون الدولى بقطاع الأمن الوطني و مساعد أول لوزير الداخلية في إدارة التنظيم والإدارة
-جمال سامى على، محافظا للفيوم،
أستاذ طب أطفال ونائب رئيس جامعة عين شمس لشئون المجتمع والبيئة سابقا،
...................
المصادر
اللواء أركان حرب محمد على الشيخ –وزير التموين بنظام السيسي
أسماء المحافظين ورتبهم
اللواء رضا محمد فرحات، محافظا للإسكندرية،
اللواء عمرو عبد المنعم، محافظا للقليوبية،
اللواء أحمد محمد حامد حسن محافظا للسويس
الدكتور عاطف عبد الحميد، وزير النقل الأسبق محافظا للقاهرة http://www.masrawy.com/News/News_Egypt/details/2016/9/7/936478
-اللواءعصام الدين بديوى محافظا للمنيا
جمال سامى على، محافظا للفيوم،

جيوش العالم والاقتصاد

الأربعاء، 7 سبتمبر، 2016

جيوش العالم والاقتصاد

اعلام السيسي بيقول ان دخول الجيش الاقتصاد عادي وموجود فى دول كتيره زي امريكا
بل ان فيه اختراعات كتيره زي الانترنت اصلا كان اللى عامله الجيش
-طبعا هو بيقول كده عشان يبرر التدخل الجنوني للجيش فى الاقتصاد
لكن هنرد عشان الناس تفهم الحقايق
-الجيوش في الدول المحترمه بتهتم بكل ماهو مفيد فى المجال العسكري وملهاش دعوة بالمجال المدني
وحتى اللى بيقول عليه خالد صلاح موضوع الانترنت وعايز اقول لكم كمان بدايات شبكات التليفون المحمول كانت فى الاساس اختراعات عسكريه واستمرت من الاسرار فتره
(مش زي عندنا اطلاقا ونفتكر مع بعض اختراع الكفته)
-لكن كانوا بيعملوها عشان تفيد فى التواصل بين الوحدات العسكريه في اي مكان فى العالم
يعنى الهدف هو التقدم العسكري
ولما الاداره الامريكيه حولت الموضوع للاستخدام المدني اصبح الامر فى نطاق وزارات تانيه وشركات تانيه خالص والجيش ملوش دعوة بالموضوع خلاص
يعنى الارباح والاداره مش في ايد الجيش (برضه مش زي عندنا اطلاقا)
-انما بأه عايز افهم ايه علاقه التقدم العسكري بصالات الافراح ومحطات البنزين والملاهى والكحك والمكرونه؟
الفكره وصلت ولا لسه؟
...............................

مبارك والاصلاح بين العراق وامريكا قبل الاحتلال

الأربعاء، 24 أغسطس، 2016

مبارك والاصلاح بين العراق وامريكا قبل الاحتلال

في 2003 أمريكا احتلت العراق عسكريا وتعاون معها معظم دول المنطقه
قبل الحرب بأيام مبارك طلع وقعد يقول انا حذرت صدام انه يوافق على فتح القصور الرئاسيه للتفتيش (على فكره ده اللى حصل فعلا)
وانه لو معندوش حاجه يخاف من ايه
وامريكا محدش يقدر يقول لها لأ -على فكره لم يذكر امريكا بسوء ابدا على جرائمها
وكأن أمريكا من حقها انها تحتل الدول بدون نقاش وعادي مفيش مشكله
-المهم مبارك قال الكلام ده كثير قبل حرب احتلال العراق واخرها كان قبل موعد الحرب بيومين (فاكر اليوم ده كويس) وكان مفهوم تماما للناس كلها انه كان تبرير لتدخل امريكا
-ومبارك بعد الاحتلال قعد يواصل تبريره له و محاوله لغسل ايده من الموضوع بأنه حاول حل المشكله والاصلاح لكن صدام اللى رفض
-مع العلم تاني ان صدام سمح بالتفتيش ومبارك برضه متكلمش عن اى حاجه عملتها امريكا
-وبعدها بفتره طلع علينا نبيل فهمي (سفير مصر بامريكا وقتها) بأن مصر ساعدت امريكا من اللحظه الاولى في العراق يعنى مفيش اصلاح ولا حاجه ومبارك كان متحالف من البدايه وكان بيؤدي دوره
-هل من الاصلاح انك اصلا تشوف القاتل بيقتل وعادي متلوموش بأي شكل
وفي نفس الوقت انك تلوم المقتول وتحمله كل المسئوليه بأكاذيب واضحه؟
ده اصلا مع ان المفروض انه كان يقف في صف الحق الواضح من الاول
.............. 

Blog Archive