إيجابيات الشرطة والنيابة – م/ محمود فوزي

الخميس، 12 مارس، 2015

إيجابيات الشرطة والنيابة – م/ محمود فوزي

أخيرا فيه حاجات كويسه للشرطة
زي ما ننتقد الشرطه ونقول السلبيات لازم نقول الايجابيات
الشرطة جابت حق العاهره (معلش مشيها احترام وكده)

حسب صحف النهارده وكل الكلام ده على اساس ان الخبر كله صحيح خصوصا انه موجود فى كذا صحيفه لهم

واحده راحت قسم الشرطه وعملت محضر انها اتفقت مع خمس شباب على ممارسة الرذيله (ياعم قلنا مشيها كلام محترم) مقابل خمسين جنيه
لا ياعم خمسين جنيه الليله كلها يعنى الواحد منهم بعشره جنيه بس
تقريبا كان فيه اوكازيون عشان السوق نايم
هى اوفت بعهدها (الخبر بيقول كده) وقامت بالواجب وزياده
هم بقي اندال وهربوا بعد العمليه

طبعا عشان احنا قاعدين فى مصر فبدل ما تقعد تندب حظها وحقها اللى ضاع
راحت للى يجيب حقها
طبعا على طول دخلت القسم عملت محضر
الشرطة لم تقف عاجزه
قامت قوه عسكريه و عملت حمله رهيبه واعتقلت اتنين من الخمسه بسرعه
واتعرضوا كلهم على النيابه
واعترفوا بالجريمه
طبعا هنا الجريمه انهم استفادوا بخدمه ولم يدفعوا الثمن

لكن الحمد لله
-حقها عمره مايضيع فى مصر
راحوا دفعوا لها الخمسين جنيه واتعمل محضر تصالح وخرجوا كلهم من النيابه
و بكده نقدر نقول ألف شكر للشرطه والنيابه انهم شايفين شغلهم كويس
وبيشجعوا تجارة الدعاره

يعنى تخيل نتفضح امام العالم كله ويتقال علينا ان المصريين بياكلوا مجهود الناس
مره تانيه شكرا شكرا للشرطه الباسله والنيابه الشامخه
.............
رابط الخبر فى صحيفة الوطن المصريه
...................

0 التعليقات:

Blog Archive