أراضى الدوله يتم التلاعب بها بلا تخطيط ومشروعات بلا رقابه

السبت، 31 ديسمبر، 2016

أراضى الدوله يتم التلاعب بها بلا تخطيط ومشروعات بلا رقابه

نموذج للتخبط والمصالح والفشل
أرجو التركيز في القراءه فالامر خطير

السيسي طلع قرار 116لسنه 2016 في 21/3 بتخصيص اراضى مختلفه لصالح مشروعات توليد الكهرباء من طاقه الرياح والطاقه الشمسيه

لكن في 17/12 طلع قرار 572 لسنه 2016 باعاده تخصيص (منطقه ب) 8.6 مليون متر مربع بمحافظه البحر الاحمر من اراضى السابق تخصيصها لمشاريع الكهرباء لتذهب للجيش
وفي نفس الوقت اعاده تخصيص (منطقه ج) ارض بنفس المساحه كانت للجيش لتذهب لمشروعات الكهرباء

وايضا في نفس القرار يتم تخصيص (منطقه أ)حوالى 8,2 مليون مترمربع ملاصقه (لمنطقه ب) للارض التى حصل عليها الجيش في القرار وكانت مخصصه للسياحه لتذهب للجيش ليصبح لديه 16.8 مليون متر مربع كقطعه واحده
-والمنطقه أ كانت مخصصه للسياحه بقرار 612 لسنه 2013

-ملاحظات/

-الارض التى خصصلت لمشروعات الطاقه الشمسيه والرياح لم يتم البدء في أي شىء بها لمده تسع شهور دون أن يتم الحديث عن تحقيق عن التأخير لكل تلك المده

-تم تغيير اراضى الطاقه الشمسيه والرياح واعطائها للجيش واستبدالها بأخري بنفس المساحه في مكان اخر رغم انه من المفترض ان مثل تلك المشروعات تكون بدراسات متخصصه لاختيار افضل الاماكن المناسبه للرياح واشعه الشمس
وبالتالى إما انه لم توجد دراسات أو انه لاتوجد اهتمام بالدراسات عند اتخاذ القرار

- تم تغيير تخصيص ارض السياحه الى الجيش بعد 3 سنوات من التخصيص
وبالتالى فإما انه لم تقم اى مشروعات سياحيه طوال 3 سنوات رغم التخصيص
أو انه لا توجد أهميه للاموال التى انفقت على تلك المشروعات رغم انها اموال عامه
ولا يوجد مجال للتحجج بالحاجه العسكريه الملحه لان القرار في 2013 اشترط موافقه الجيش
(مع ان ازاي يصدر قرار جمهوري ولسه مكملش الدراسات بتاعته)
فهل 3 سنوات لمجرد دراسه اهميه المكان من الناحيه العسكريه؟
وأين المراقبه في تنفيذ المشروعات؟

-ماذا سيفعل الجيش بمساحه 16.8 مليون متر مربع؟
غالبا سيكون هناك مشروعات للجيش يتم فيها تشغيل المجندين والارباح لاتصل لميزانيه الدوله
ولا احديتحدث عن السريه العسكريه للامر لان القرارات منشوره فى الجريده الرسميه والصحف بالاحداثيات الدقيقه للاراضى

-التخبط فى القرارات ومشروعات تستمر لشهور او سنوات ولا يتم مجرد البدء فيها رغم تخصيص الاراضى اللازمه.
-غير مستبعد انه قد تم تخصيص اموال من الميزانيه العامه لتلك المشروعات التى لم تنفذ.
-كل ذلك بسبب عدم وجود رقابه ملزمه من برلمان منتخب فعليا

المصادر
قرار رقم 116 لسنه 2016 منشور بالجريده الرسميه
قرار رقم 572 لسنه 2016 منشور بالجريده الرسميه
قرار رقم 612لسنه 2013 منشور بالجريده الرسميه



فضيحه السيسي وقرار ضد الاستيطان الصهيوني

الجمعة، 23 ديسمبر، 2016

فضيحه السيسي وقرار ضد الاستيطان الصهيوني

فضيحه دوليه جديده لسياسه السيسي
الرجاء القراءه للنهايه وكل شيء موجود بالادله
مجلس الامن يصدر قرار 2334 يطالب بوقف الاستيطان الصهيوني فى الضفه الغربيه
-اداره أوباما بعت للسيسي  انه يتقدم بمشروع القرار وهو مش هيمانع فى مجلس الامن
(كان حاطط في برنامجه مكافحه الاستيطان وهو عايز يعمل اى حاجه فيه قبل رحيله من الرئاسه في يناير)
-مندوب نظام السيسي فى مجلس الامن  اتقدم فعلا بالمشروع وكان المفروض مناقشته 22/12
وهو معتقد ان الامر عادي
-حصل رفض علني ورهيب جدا من الصهاينه والرئيس الامريكي المنتخب ترامب
وضغطوا على السيسي وطالبوه بسحب مشروع القرار
وفعلا سحبوا مشروع القرار
-عضو بالكونجرس الامريكي ورئيس لجنه من مهامها تمويل الامم المتحده هدد بوقف التمويل او تخفيضه بشده
نيتنياهو طالب اوباما باستخدام حق الفيتو
-4 دول في مجلس الامن (ماليزيا والسنغال وفنزويلا ونيوزلاندا) انذروا مصر بانهم هيصروا على مناقشه المشروع حتى بعد سحب مصر
-بالفعل عملوا مشروع قرار لوقف الاستيطان الصهيوني وناقشوه فى مجلس الامن 23/12
-القرار طلع بموافقه 14 دوله وامتناع امريكا عن التصويت
ومندوب السيسي وافق على القرار عشان ميزعلش اوباما
ملحوظات
-الكيان الصهيوني بيقول ان الرئيس الامريكي ووزير خارجيته هم اللى وراء القرار رغم ان مصر هى اللى متقدمه بالقرار وحتى عند التصويت امريكا نفسها امتنعت ولم تصوت
-دي اعتبرها فضيحه انهم يقولوا على مصر انهم مجرد لعبه في ايد امريكا
-اتضح هنا ان قرار السيسي ملوش دعوه خالص بموضوع الاستيطان سواء بتقديم مشروع القرار او سحبه او الموافقه عليه
-القرار في النهايه سينضم لقائمه قرارات لمجلس الامن لم تنفذ لكن هيكون فيه مجرد تحرك مصري او عربي في اتجاه التنفيذ
-ماليزيا والسنغال وفنزويلا ونيوزلاندا وقفوا ضد رغبه ترامب والصهاينه عشان قرار ضد في حين ان السيسي كان مجرد منفذ اوامر
-مش عايز حد يكرر كلام ملوش اساس عن ان الصهاينه وامريكا بيحاربوا مصر عشان السيسي
المصادر
مجلس الأمن يعتمد قرارا يطالب بالوقف الفوري للاستيطان الإسرائيلي في الأرض الفلسطينية المحتلة
مجلس الأمن يطالب بوقف بناء المستوطنات بعد امتناع أمريكا عن التصويت
شومر: على أمريكا استخدام الفيتو ضد مشروع قرار الاستيطان الصهيوني
مجلس الأمن يصوت الجمعة على مشروع قرار لوقف بناء المستوطنات
مسؤول صهيوني: أوباما وكيري وراء تصويت "مشين" بمجلس الأمن حول الاستيطان
سناتور أمريكي يهدد بتقييد المساعدة للأمم المتحدة بسبب تصويت خاص بالصهاينه
4 دول أعضاء بمجلس الأمن تنذر مصر بشأن مشروع قرار الاستيطان الصهيوني
الولايات المتحدة: استمرار البناء الاستيطاني يقوض أمن الصهاينه
في الاعلام المصري
بعد اتصال السيسي وترامب.. مصدر بمجلس الأمن: إدارة أوباما ترغب في موقف انتقامي
مصدر لـ«أ.ش.أ»:تأجيل مصر لطلب التصويت على «إدانة الاستيطان» يعكس «رؤية عميقة»
الخبر من يديعوت احرنوت الصهيونيه
http://www.ynetnews.com/articles/0,7340,L-4897550,00.html

عادل حباره السوبر مان

السبت، 17 ديسمبر، 2016

عادل حباره السوبر مان

شوف كده الجرائم اللى متهم فيها وهو عنده 40 سنه
-قتل 25 جندي بعد توثيقهم لوحده 19/8/2013
-قتل 16 ضابط وجندي 6/8/2012
-تفجيرات طابا ودهب 2004
-اختطاف 7 جنود
-الهجوم على 3 مواقع للشرطه
ده جزء من التهم بتاعته اللى واخد فيها 4 اعدام وكذا حكم بالحبس
وطبعا كل الاحكام دي من غير دليل فعلي واحد
-وحتى المكالمه العجيبه اللى بيتكلموا عنها مفيش فيها اى حاجه
ده يعنى اذا كان اصلا فيه ناس بتعمل عمليات هتتكلم فى المحمول العادي
وكأن مفيش تليفون قمرصناعي او مكالمات على الانترنت
-وبعد ده كله السوبرمان ده يعتقل بدون اطلاق رصاصه واحده
حسب روايتهم انه كان في سياره دفع رباعي والشرطه في عربيه ميكروباص
ولما نزل اعتقلوه وكان معاه قنابل كمان يعني
ولكن الامن مسكه من غير مايقدر انه يضرب رصاص او القنابل اللى معاه
(لاتخرج قبل ان تقول سبحان الله)
-بصراحه الشرطه والجيش غلطانين
كان المفروض يستفيدوا من خبراته ومهاراته الرهيبه دي ويدرس شويه فى كليه الشرطه والكليه الحربيه
-و رغم كل ده اللى هم بيقولوا انه حصل من فرد واحد غير مدرب في جيش نظامي
إلا ان مفيش اى كلام عن فشل امني خالص ومفيش اى حد اتعاقب او اتشال من مكانه اطلاقا خلال 3 سنين ونصف الاخيره
-وفوق ده فرحانين بيهم وبيقولوا انهم ابطال كمان
بس فيه سؤال كده فى الاخر
حباره معتقل من سبتمبر 2013 واعتقل في ديسمبر 2016
طيب هل التفجيرات والعمليات العسكريه خلصت او حتى نقصت؟
للاسف لأ
-طيب بعد كل ده ازاي يبقى مطلوب مننا نصدق كلامهم
في الاخر بس مش عايز حد يتذاكى ويفهم انى بأؤيد العمليات دي لكن السؤال أصلا هل هو ده اللى عمل كل الحاجات دي؟
المصادر
بعد تنفيذ حكم الإعدام عليه.. مَن هو عادل حباره؟
اعترافات عادل حبارة: «أنا قتلت 25 جنديا»| فيديو
اعترافات مثيرة لحبارة

الإخوان تكذب صحف الإنقلاب حول إدعاءات المصالحة مع الانقلاب

الثلاثاء، 22 نوفمبر، 2016


الإخوان تكذب صحف الإنقلاب حول إدعاءات المصالحة مع الانقلاب

تصريح صحفي

تعلن جماعة "الإخوان المسلمون" ، نفيها لصحة الخبرين المنشورين في كل من صحيفة الشروق (اليوم الثلاثاء 22 نوفمبر 2016م) و صحيفة النبأ (يوم الاحد 20 نوفمبر 2016م) عن موافقة الإخوان على الدخول في صفقة مصالحة مع النظام الانقلابي في مصر برعاية إقليمية ، أو الطلب من أي جهة التوسط للمصالحة مع هذا النظام الانقلابي.

وتؤكد الجماعة ، أن هذه الأخبار عارية من الصحة ، جملة وتفصيلا .

كما تؤكد الجماعة ، أنها أعلنت مرارا نفيها لمثل هذه الأخبار المزيفة ، وشددت على موقفها الثابت من الانقلاب وهو :
لا مصالحة مع القتلة،
ولا تنازل عن الشرعية،
ولا تنازل عن حقوق الشهداء والجرحي والمعتقلين.

وحسبنا الله ونعم الوكيل
والله أكبر ولله الحمد
الإخوان المسلمون
الثلاثاء 22 صفر 1438 هـ ؛ الموافق 22 نوفمبر 2016م


مجهود حكومي لزياده استيراد السكر

السبت، 19 نوفمبر، 2016

مجهود حكومي لزياده استيراد السكر

-اللواء محمد على مصيلحي وزير تموين السيسي بيصدر سكر فى نفس الوقت اللى بيستورد فيه سكر لحل أزمه السكر
والكلام ده في شهر 9 -2016 اللى كانت مصر كلها بتعاني ازمه سكر رهيبه مستمره حتى الان
-مع العلم ان وزاره تموين السيسي كانت سمحت لاول مره من سنتين ان الشركات الحكوميه تبيع انتاجها للسكر بدلا من احتكار توريد السكر للحكومه
-ده فى نفس الوقت اللى الانتاج اصلا مش بيكفي وبنستورد الباقى
-كل ده كأن الهدف منه اننا نستورد وخلاص وطبعا كلنا عارفين فوايد الاستيراد من عمولات وكده
و مش مشكله زياده السعر على الناس او وضعهم في ازمه
وطبعا مفيش حد بيتحاسب لان مفيش رقابه ملزمه من برلمان منتخب فعليا
-وبعد ده لسه فيه ناس مش عارفه فين المشكله؟
المصادر
خبر تصدير السكر البنى (غير مكرر) في الاهرام
خبر الغاء احتكار الحكومه للانتاج الحكومي من السكر

................

-فضائح جديده للسكر

-فضائح جديده للسكر

استقاله الكيمائى عبد الحميد سلامة رئيس مجلس ادارة شركة الدلتا للسكر
والجمعيه العموميه قبلت الاستقاله على الفور دون مناقشه الاسباب!!!!!!
-دي واحد من خمس شركات حكوميه بتنتج السكر في مصر
شوقى سراج الدين مدير التخطيط بالشركه وضح اسباب الاستقاله
-الحكومه عايزه تشتري السكر ب4.5 جنيه للكيلو زي السنه اللى فاتت رغم ان تكلفه الانتاج اصبحت سته جنيه للكيلو حسب كلامهم نفسه
(وطبعا الخساره تتحملها الشركه الحكوميه اللى ممكن بالشكل ده تخسر كتير وشويه شويه نبيعها ويبقى فيها عمولات
او على الاقل الانتاج يتوقف وطبعا يتم الاستيراد اللى غالبا هيكون فيه عمولات)
فوق ده كمان فيه كام ملاحظه
-تكلفه الكيلو سته جنيه والحكومه بتبيعه فى التموين بسبعه جنيه
-ده اصلا بالنسبه للسكر الجديد أما الانتاج القديم فالحكومه اشترته اصلا ب4.5 جنيه وكانت بتبيعه ب ودلوقتى بسبعه كمان
يعنى الحكومه بتكسب من موضوع التموين
المصدر
الخبر من الاهرام
http://agri.ahram.org.eg/News/52646.aspx

السيسي وترامب

الجمعة، 11 نوفمبر، 2016


السيسي وترامب

السيسي بيؤيد ترامب من قبل انتخابات امريكا
وإعلام السيسي بيؤكد ان
-ترامب بيقول السيسي رجل رائع و فيه كيميا بينهم والاخوان جماعه ارهابيه
-السيسي أول حاكم في العالم يهنئه بالفوز ويدعوه لزياره مصر
-مستشار ترامب يدعو السيسي لزياره امريكا وأن مصر اول دوله سيزورها فى المنطقه
-مستشار ترامب: تصريحات السيسي عن ترامب جذبت الامريكان لانتخابه
-السيسي وترامب.. كيمياء واحدة وتفاهم سياسى
-ملحوظه ترامب برضه قال:
-الاسلام واغلب المسلمين يكرهون امريكا ويدعو لمنع المسلمين من دخولها
-القدس عاصمه موحده للكيان الصهيوني
-انا هنا بأوضح الواقع اللى موجود عشان محدش يجي بعد كده ويقول ان ترامب بيكره السيسي وبيحارب مصر عشانه وكده
المصادر
الشروق :السيسى وترامب.. كيمياء واحدة وتفاهم سياسى
الأهرام: السيسى أول المهنئين ويدعوه إلى زيارة مصر
اليوم السابع:السيسى أول زعماء العالم اتصالاً بـ ترامب لتهنئته برئاسة أمريكا..الرئيس يدعو نظيره المنتخب لزيارة مصر..ودونالد يؤكد حرصه على العلاقات الوطيدة بين القاهرة وواشنطن..والرئاسة: نتطلع لضخ روح جديدة فى العلاقات
الوطن-مستشار "ترامب": تصريحات السيسي عن "دونالد" جذبت الأمريكيين لانتخابه
اليوم السابع-مستشار ترامب لشئون الشرق الأوسط: مصر الوجهة الأولى للرئيس الأمريكى المنتخب.. واشنطن ستوجه دعوة للرئيس السيسى لزيارة البيت الأبيض.. وسندعم القاهرة فى حربها على الإرهاب ونصنف الإخوان جماعة إرهابية
اليوم السابع- ترامب : السيسى  "رجل رائع" و"أشعر بوجود كيمياء معه"،
دونالد ترامب يدعو لمنع المسلمين من دخول الولايات المتحدة
ترامب: الإسلام يكره الأمة الأمريكية
..............................

بيان البرادعي الكاذب

الثلاثاء، 1 نوفمبر، 2016


بيان البرادعي الكاذب
محمد البرادعي طلع بيان مليان كذب ونصب وتضليل
هاحاول أوضح باختصار بعض االاكاذيب دي بالادله وهاقتصر على جرائمه داخل البلد
اما فيما يخص خلافه مع إعلام الانقلاب ده خلاف داخل عصابه واحده ملناش فيه
-بيتكلم عن انتخابات في حين انه عرف من اللحظه الاولى ان الرئيس المنتخب مختطف وكمل عادي مفيش مشكله
طيب ازاي؟ وفين بأه احترام الصندوق اللى بيتكلم عنه والديموقراطيه اللى صدعنا بيها؟
-وافق على اختطاف الرئيس المنتخب وحل البرلمان المنتخب والغاء الدستور المستفتي عليه
ومن اللحظه الاولى قتل واعتقالات وغلق للقنوات
-القنوات اتقفلت اثناء بيان الانقلاب وتم اعتقال كل من فيها (منهم اللى لسه مخرجش)
ده غير الاعتقالات التانيه منها مثلا خيرت الشاطر وحازم ابو اسماعيل اعتقلوا فى 5 يوليو 2103
وبعد ده كله مكنش متخيل انه انقلاب دموي قمعي ديكتاتوري وهو نفسه بعدها قال ده مش انقلاب
-هل اللى يعمل ده كله هيعطي الصلاحيات لحكومه غير مؤتمره بأوامره؟
-البرادعي من اللى دعوا لمظاهرات 30 يونيو وطالب بالاعتصام
في نفس الوقت هو شارك في قتل المتظاهرين والمعتصمين فى رابعه والنهضه؟
-بمناسبه المذابح اللى بيحاول التبرؤ منها
-مذبحه مكتب الارشاد والنهضه الاولى مابين 30 يونيو و3 يوليو و مذبحه الحرس الجمهوري 8 يوليو
دول حصلوا قبل مايحلف اليمين وكمل عادي مفيش مشكله
مذبحه المنصه 27 يوليو الانقلاب قتل حوالى 200 واصاب أكتر من 4 الاف واحد
هل دي عادي مفيهاش مشكله؟
يبقى المشكله كانت بس في الارقام مش في مبدا القتل
لانه هو نفسه قال لما كان نائب لعدلى منصور انه سيتم فض اعتصام رابعه بالقوه اذا لم يكن هناك بديل ولكن بأقل الخسائر
وأكد على انه لم يهدد بالاستقاله اذا تم فض الاعتصام بالقوه
-يبقى ده تأكيد لفكره انه لم يعترض على القتل ولكن مشكلته كانت مع كميه الدم
-هو كان واجهه استخدموها لغرض معين وانتهى الامر
بيتكلم عن منهج الخداع والكذب وهو كلامه كله لم يخرج عنه
المصادر
البرادعي: سيتم فض «اعتصام رابعة» بالقوة إذا لم يكن هناك بديل ولكن بأقل الخسائر
بيان البرادعي

مظاهرات بورسعيد 18/10/2016

الأربعاء، 19 أكتوبر، 2016

مظاهرات بورسعيد 18/10/2016
http://egyptandworld.blogspot.com/2016/10/18102016.html

-ناس كانت مقدمه على شقق الاسكان الاجتماعي ووقعوا عقود الشقق من2013
وكان الباقى حوالى 7 الاف جنيه وفجاه قبل التسليم طالبتهم البنوك ان الفلوس بقت 47 ألف الى 71 الف حسب كل شخص وسنه
-الموضوع من كذا يوم واخيرا اتظاهروا امام مبنى المحافظه وتطور الامر انهم قطعوا حركه المعديات بين شرق القناه وغربها
-اللى حصل ان المحافظه أعلنت التزامها بعقود 2013 بدون تغيير
والامن فض المظاهرات واعتقل 19 واحد (ده على الاقل الرقم المعلن حتى الان)
-ده ملخص سريع للى حصل
-فيه كام ملحوظه كده
-الناس اللى تتظاهر في وسط التهديد الامني الرهيب ده معناه ان فيه كسر جزء كبير من حاجز الخوف
واعتقد ان ده اخطر حاجه خاف منها النظام وعشان كده اتراجع عشان يوقف تسلسل الاحداث اكتر من كده
-المفروض الناس اصحاب الشقق لاينسوا اللى اعتقلوا منهم لان دول من اهم اسباب حل المشكله وعدم زياده الرسوم بالشكل المفاجىء والضخم ده
-النظام لا يتحرك عاده لحل مشكله الا اذا زادت عن الحد حتى وصل الغضب للانفجار بالشكل ده
-النظام مازال يفكر بالطريقه الامنيه فأغلب التعامل المباشر مع المظاهرات كان عن طريق اللواء زكي صلاح مدير امن بورسعيد
-النظام عايز يجمع فلوس بأي شكل ولا يعترف بأي قوانين او عقود وممكن يغيرها في اى وقت
و ده لوحده امر خطير ومدمر للاستثمار
ازاي هيثق مستثمر في بلد بيغير العقود اللى وقعها بالطريقه دي
-عايز الناس تشوف بنفسها مين المخرب الحقيقي للبلد
المصادر
محافظ بورسعيد يستجيب لمتظاهرى الإسكان الاجتماعى.. ويؤكد: لا تغيير فى الشروط.. الأمن يفض اعتصام المتضررين احتجاجًا على ارتفاع المبالغ المستحقة عليهم.. والمحافظة توضح الأمر فى بيان رسمى
محافظة بورسعيد توضح حقيقة زيادة مبالغ تعاقدات المرحلة الأولى للإسكان
متظاهرو الإسكان الاجتماعي يشلون حركة «المعديات» ببورسعيد
القبض على 19 متظاهرا لقطعهم حركة المعديات في بورسعيد
عودة الحركة بمعديات بورسعيد بعد فض تظاهرة متضرري الإسكان الاجتماعي

...................

تعليق على البيان العسكري الثاني عن عمليه الكمين

السبت، 15 أكتوبر، 2016

تعليق على البيان العسكري الثاني عن عمليه الكمين

المتحدث العسكري طلع بيان تاني بيقول فيه انه واصل عمليه مطاره المسلحين اللى هاجموا الكمين
وبمساعده اهل سيناء عرف اماكن التجمع للمسلحين فقام بعمليه قصف لمده 3 ساعات ضرب مراكزهم ودمر 7 عربات دفع رباعي وقتل عدد من المسلحين (لم يذكر عددهم)
والعمليه متواصله
-ده ملخص البيان اللى ناشر النص بتاعه وفيديو فيه اجزاء من القصف
-دلوقتى في البيان الاول قال انه قتل 15 مسلح واصاب العديد ودلوقتى بيقول انه قعد 3 ساعات بيقصف الباقيين
بالتالى هم المسلحين اللى هاجموا الكمين كانوا كام واحد وكام عربيه
وازاي كانوا بيمشوا مع بعض كده ومفيش حد عرفهم من الجيش رغم ان المنطقه كلها فيها تواجد عسكري كبير جدا
طيب فين المخابرات تعرف ان القوه الكبيره المسلحه دي بتتحرك فننقذ الجنود قبل ما يموتوا
- ليه القصف 3 ساعات متواصله؟
اذا كان عنده معلومات بتواجد مسلحين في مكان معين المفروض يهاجم البيوت دي ويعتقلهم
فبالتالى يعرف على الاقل معلومات منهم عن باقى التنظيم انما كده هيعرف منين اذا كان قتلهم حسب كلامه؟
(هو فيه نقطه تانيه انه المفروض يقدم للمحاكمه اى شخص متهم مش يتقتل على طول لانه المفروض برضه اننا فى دوله مش شغل عصابات وقصف داخل بيوت ده معناه ناس كتير ابرياء هيموتوا بس طبعا فيه ناس كتيره مش هتدرك الكلام ده)
-  القصف المتواصل ده بيكون فى حالات عدم السيطره على الارض
وعشان تتأكد شوف الصهاينه لما تعوز تقتل حد فى الضفه الغربيه او في قطاع غزه
في غزه بتقصف بالطيران لانها مش موجوده وملهاش سيطره على الارض
انما فى الضفه فبتروح قوات لبيوت الناس اللى بتشتبه فيهم وتبدا عمليات الضرب او الاعتقال
انا هنا ضربت مثال للصهاينه لانهم بيتعاملوا مع الفلسطينيين كأعداء وميفرش معاهم انهم يقتلوا اى عدد منهم سواء كانوا قاموا بعمليات او لأ
انما المفروض هنا انه المفروض ان الطرفين من نفس البلد
-من فيديو القصف ان فيه بيوت انضربت والبيوت دي فيها ناس
مين قال ان كل اللى في البيوت دي مسلحين؟
اهالى سيناء بيتقتلوا ببلاش و ده بيعمل حاله غضب عارم فيهم
احنا بنخسر الناس دي اللى كانوا من اهم العناصر فى حرب اكتوبر
-نقول تاني العدد متقارب بين اللى اتقتلوا فى الهجوم على الكمين من المجندين وبين المسلحين
مما يدل على فشل تدريبي رهيب
-المفروض بعد العمليات المتكرره دي اللى بيروح فيها المجندين تتم عمليه مراجعه شامله لاسلوب اداره الموضوع ومحاسبه المسئولين عنها ومحاكمتهم محاكمه عسكريه (لانهم عسكريين) بتهم أقلها الاهمال الجسيم الذي أدى لمقتل الجنود
-لكن ده محصلش فى التلات سنين اللى فاتت لانهم مش شايفين ان المجندين لهم اي اهميه
-لكن من الواضح ان اللى بيحصل هجوم من مسلحين على قوات الجيش فيقوم الطيران يقصف اجزاء من سيناء فيموت الكثير من اهالى سيناء او على الاقل عايشين تحت القصف
ومحدش هيتحاسب من المسئولين
المصادر
البيان الاول للمتحدث العسكري
البيان الثاني مكتوب من صفحه المتحدث العسكري
الفيديو من صفحه المتحدث العسكري
الفيديو من موقع وزاره الدفاع على يوتيوب

.............

Blog Archive