تعليق على البيان العسكري عن عمليه الكمين ومقتل 12 مجند

السبت، 15 أكتوبر 2016

تعليق على البيان العسكري عن عمليه الكمين ومقتل 12 مجند

هجوم لمسلحين على كمين للجيش في شمال سيناء
النتيجه مقتل 12 مجند واصابه 6 
ومقتل 15 مسلح واصابه العديد
-
ده ملخص بيان المتحدث العسكري 
-
فيه كام نقطه بعيدا عن الهري الاعلامي
-
ازاي يبقى فيه اشتباك ويبقى عدد القتلى والمصابين متقارب بالشكل ده 
(
مع العلم انه مفيش اى أدله نشرت على عدد قتلى المسلحين غير بيان المتحدث العسكري اللى بدون صور او فيديو وهو لم يذكر عدد المصابين اصلا)
-
تقارب العدد ده يدل على انخفاض كبير في الاعداد والتدريب لافراد الجيش هناك خاصة انهم بيحاربوا مسلحين لم يتدربوا تدريب نظامي 
-
يبقى مجرد التفكير فى نتيجه القتال مع جيش نظامي قوي (لاقدر الله) يبقى صعب قوي
-
تكرار عمليات الهجوم والخسائر بيدل عن فشل المخابرات لان المنطقه تحت سيطره وانتشار عسكري قوي للغايه
-
ظاهره منتشره في العمليات دي ان كل المقتولين من المجندين 
طيب فين الظباط؟ ليه بيكون مفيش ظباط
ده مؤشر ان الظباط بيكونوا موجودين فى اماكن محميه او بيهربوا من المكان بسرعه
رغم ان الظباط دول هم اللى درسوا كذا سنه علوم عسكريه يعنى المفروض هم اللى يتواجدوا فى مكان الحدث
-
المصيبه بعد كل ده مفيش اى حد بيتحاسب على الفشل المتكرر ده و دي النقطه المحوريه فى الموضوع
-
عدم المحاسبه يؤكد مسئوليه قياده الجيش ونظام السيسي عن كل قطره دم من الجنود اللى بيتقتلوا
المصدر
بيان المتحدث العسكري
https://www.facebook.com/Egy.Army.Spox/posts/914914448639538
أسماء قتلى ومصابي الجيش
http://www.youm7.com/2921669

 ......................

0 التعليقات:

Blog Archive